កំពង់ធំ៖ នៅបញ្ជាការដ្ឋាន កងរាជអាវុធហត្ថខេត្តកំពង់ធំ ព្រឹកថ្ងៃទី១៧ ខែតុលា ឆ្នាំ២០២២ ព្រះគ្រូសុរាចារ្យ ណំ សុភ័ក្រ្កា ព្រះរាជាគណៈថ្នាក់កិត្តិយស ទីប្រឹក្សាសម្តេចសង្ឃនាយក គណៈមហានិកាយ នៃព្រះរាជាណាចក្រកម្ពុជា និងជាព្រះគ្រូវីរិយធម្មគុត្ដ ព្រះអនុគុណស្រុកកំពង់ស្វាយ ព្រះចៅអធិការវត្តមុនីរង្សី (ហៅវត្តថ្មី) ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ បាននាំយកគ្រឿង ឧបភោគ បរិភោគ និងថវិកាមួយចំនួនមកប្រគល់ជូនដល់ បញ្ជាការដ្ឋានកងរាជអាវុធហត្ថខេត្តកំពង់ធំដើម្បីជួយឧបត្ថម្ភគាំទ្រដល់កីឡាករទូកង កងរាជអាវុធហត្ថខេត្តកំពង់ធំ ត្រៀមទៅប្រណាំងនៅទន្លេវ៉ៃគោទីរួមខេត្តស្វាយរៀងថ្ងៃទី២៩-៣០ខែតុលា ឆ្នាំ២០២២ ខាងមុខនេះ ។ ក្នុងឱកាសនោះលោក ឧត្តមសេនីយ៍ត្រី មាស យ៉ត មេបញ្ជាការ តំណាងអោយនាយទាហាន នាយទាហានរង និងពលទាហាន នៃកងរាជអាវុធហត្ថខេត្តទាំងអស់ សូមគោរពថ្លែងនូវអំណរគុណយ៉ាងជ្រាលជ្រៅ ជូនចំពោះព្រះគ្រូអនុគុណស្រុកកំពង់ស្វាយ ព្រះចៅអធិការ វត្តមុន្នីរង្សី នឹងប្រគេនសព្វសាធុការពរជូនព្រះគ្រូចៅអធិការ និងព្រះតេជគុណគ្រប់ព្រះអង្គ សូមមានព្រះសុខភាពល្អបរិបូរណ៍ មានព្រះជន្មាយុយឺនយូជាងរយព្រះវស្សា។