ភ្នំពេញៈ នៅព្រឹកថ្ងៃទី០៧ ខែវិច្ឆិកា ឆ្នាំ២០១៦ នៅអគារសេនាធិការដ្ឋាន បញ្ជាការដ្ឋានកងរាជអាវុធហត្ថកងរាជអាវុធហត្ថលើផ្ទៃប្រទេស បានបើកកិច្ចប្រជុំ ស្តីពីការស្នើសុំរូបភាពសរសើរ គ្រឿងឥស្សរិយយស លើកទឹកចិត្ត ជូនដល់ នាយទាហាន នាយទាហានរង កងរាជអាវុធហត្ថ ក្រោមអធិបតីភាព ឯកឧត្តម ឧត្តមសេនីយ៍ឯក
វង្ស ពិសេន មេបញ្ជាការរង និងជានាយសេនាធិការ កងរាជអាវុធហត្ថលើផ្ទៃប្រទេស និងដោយមានការអញ្ជើញចូលរួមពីសំណាក់ ឯកឧត្តម មេបញ្ជាការរង នាយរងសេនាធិការ ស្នងការ ស្នងការរង នាយ នាយរងការិយាល័យ ដែលមានការពាក់ព័ន្ធផងដែរ។

ក្នុងកិច្ចប្រជុំនេះដែរ ឯកឧត្តម ឧត្តមសេនីយ៍ឯក វង្ស ពិសេន បានមានប្រសាសន៍ថា ក្នុងនាម ជាថ្នាក់លើ ត្រូវតែយកចិត្តទុកដាក់ ថែទាំ និងលើកទឹកចិត្ត ដល់បុគ្គលដែលជាថ្នាក់ក្រោម ដែលខិតខំយកចិត្តទុកដាក់ យ៉ាងសកម្មក្នុងការបំពេញកិច្ចការងារជូនអង្គភាព។

ក្នុងកិច្ចប្រជុំនេះដែរ លោកវរ:សេនីយ៍ទោ សំ សុវត្ថានា នាយការិយាល័យ លេខាធិការដ្ឋាន ជាអ្នកអានរបាយការណ៍។