បន្ទាយមានជ័យ៖ នៅព្រឹកថ្ងៃព្រហស្បតិ៍ ទី២០ ខែតុលា ឆ្នាំ២០២២ លោក ឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ បានអញ្ជើញជួបសំណេះសំណាលជាមួយបងប្អូនកីឡាករទូក”ង” អធិរាជឥន្ទ្រីសែនជ័យ បារមីភ្នំស្វាយ ដែលជាទូក “ង”  តំណាងឱ្យបញ្ជាការដ្ឋានកងរាជអាវុធហត្ថខេត្ត មុនចេញដំណើរទៅប្រណាំងទូក “ង” កងរាជអាវុធហត្ថទូទាំងប្រទេស នៅខេត្តស្វាយរៀង នាថ្ងៃទី២៩-៣០ ខែតុលា នាពេលខាងមុខនេះ ។

នាឱកាសនោះ លោក ឧត្តមសេនីយ៍ត្រី បោន ប៊ិន ក៏បានជូនពរដល់កីឡាករ ទូក “ង”  ចំនួន៣៧នាក់ដែលត្រូវត្រៀមចេញទៅប្រកួត សូមឱ្យទទួលបានជ័យជម្នះនាំជ័យលាភីជូនកងរាជអាវុធហត្ថ ក៏ដូចជាកិត្តិយសសម្រាប់ខេត្តបន្ទាយមានជ័យទាំងមូល ជាមួយគ្នានោះលោក មេបញ្ជាការ ក៏បានឧបត្ថម្ភឯកសណ្ឋានដល់កីឡាកររួមនឹងសម្ភារៈមួយចំនួនផងដែរ៕