ស្ទឹងត្រែងៈ នៅវេលាម៉ោង១៨ និង៤០នាទីល្ងាច ថ្ងៃទី០៥ ខែវិច្ឆិកា ឆ្នាំ២០១៦ កម្លាំងកងរាជអាវុធហត្ថលើផ្ទៃប្រទេស សហការជាមួយ កម្លាំងមូលដ្ឋានកងរាជអាវុធហត្ថក្រុងស្ទឹងត្រែង បានធ្វើការបង្ក្រាបករណីដឹកជញ្ជូនឈើល្មើសច្បាប់០១លើក ស្ថិតនៅចំណុចលើផ្លូវជាតិលេខ៧A ស្ថិត
ក្នុងភូមិសាស្ត្រ ភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។ ។

នេះបើយោងតាមប្រភពពត៌មានពីភ្នាក់ងារ GRK News ប្រចាំខេត្តស្ទឹងត្រែង បានឱ្យដឹងថា ក្នុងប្រតិបត្តិការបង្ក្រាបនោះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាង មួយចំនួនរួមមានៈ
០១. ឈើប្រណិតប្រភេទ ធ្នង់ ចំនួន៦០ដុំ ស្មើនឹង០,៣៨០ ម៉ែត្រគូប
០២. ឈើប្រណិតប្រភេទ សុក្រម ចំនួន៥៤ដុំ ស្មើនឹង៣,២១៥ ម៉ែត្រគូប។
ភ្នាក់ងារបានបញ្ជាក់អោយដឹងទៀតថា ក្នុងប្រតិបត្តិការបង្ក្រាបនោះផងដែរ កម្លាំងកងរាជអាវុធហត្ថ ក៏បានធ្វើការឃាត់ខ្លួនបានជនសង្ស័យចំនួនម្នាក់ផងដែរ។

វត្ថុតាង ត្រូវមន្ត្រីជំនាញកងរាជអាវុធហត្ថខេត្តស្ទឹងត្រែង បានកសាងសំណុំរឿង ដើម្បីប្រគល់ជូនខណ្ឌរដ្ឋបាលព្រៃឈើ ចាត់ការបន្តតាមនិតិវិធី។