បន្ទាយមានជ័យ៖ រៀលថ្ងៃទី២៣ ខែតុលា ឆ្នាំ២០២២ នៅបញ្ជាការដ្ឋាន កងរាជអាវុធហត្ថខេត្តបន្ទាយមានជ័យ បានទទួលស្វាគមន៍ និងជួបសំដែងការគួរសមជាមួយគណៈប្រតិភូវៀតណាម អញ្ជើញទស្សនៈកិច្ចបំប៉នសុខភាពក្នុងព្រះរាជាណាចក្រកម្ពុជា ជាពិសេសនៅក្នុងបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ។

ការទទួលបដិសណ្ឋារកិច្ចនេះដឹកនាំដោយ លោក ឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្ត និងប្រតិភូវៀតណាមដឹកនាំដោយ លោក វរសេនីយ៍ឯក ចូវ ទៀនយ៊ុង អតីតអនុប្រធានសេនាធិការយោធភូមិភាគទី៤ និង ជាប្រធានប្រតិភូនាយទាហានសម្រាកបំប៉នសុខភាព នៃកងទ័ពប្រជាជនវៀតណាម ព្រមទាំងប្រតិភូអមដំណើរ នៅសាលប្រជុំអាគារសេនាធិការដ្ឋាន កងរាជអាវុធហត្ថខេត្តបន្ទាយមានជ័យ ។

បន្ទាប់ពីជួបសំណេះសំណាលប្រកបដោយភាពសប្បាយរីករាយបង្ហាញពីចំណងមិត្តភាពរវាងបញ្ជាការដ្ឋានកងរាជអាវុធហត្ថខេត្តបន្ទាយមានជ័យ និងប្រតិភូវៀតណាម ដែលបានអញ្ជើញមកទស្សនៈកិច្ច និងបានប្រគល់វត្ថុអនុស្សាវរីយ៍ទៅវិញទៅមក ថតរូបអនុស្សាវរីយ៍ ព្រមទាំងពិសារអាហារសាមគ្គីផងដែរ ៕