នៅព្រឹកថ្ងៃព្រហស្បតិ៍ ទី២៧ ខែតុលា ឆ្នាំ២០២២ លោក វរសេនីយ៍ ឯក កែន វណ្ណៈ មេបញ្ជាការរង តំណាងលោក ឧត្ដមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្ដតាកែវ បានអញ្ជើញជួបសំណេះសំណាល និងឧបត្ថមថវិកាសម្ភារៈមួយចំនួន ជូនបងប្អូនកីឡាករទូកងព្រះខន័យទិព្វ សុខសែនជ័យ ដែលជាទូកង តំណាងឱ្យបញ្ជាការដ្ឋានកងរាជអាវុធហត្ថខេត្តតាកែវ ដែលប្រណាំងទូកងកងរាជអាវុធហត្ថទូទាំងប្រទេស នៅខេត្តស្វាយរៀង នៅថ្ងៃទី២៩/៣០ ខែតុលា ឆ្នាំ២០២២ ខាងមុខនេះ ។

ក្នុងឱកាសនោះ លោក មេបញ្ជាការរង កងរាជអាវុធហត្ថខេត្តតាកែវ ក៏បានជូនពរដល់កីឡាករ ទូកង ដែលត្រូវត្រៀមចេញទៅប្រកួត សូមឱ្យទទួលបានជ័យជម្នះ ជូនកងរាជអាវុធហត្ថ ក៏ដូចជាកិត្តិយសសម្រាប់ខេត្តតាកែវទាំងមូល ។