កំពង់ស្ពឺៈ នៅព្រឹកថ្ងៃទី០៩ ខែវិច្ឆិកា ឆ្នាំ២០១៦ នៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ បានបើកកិច្ចប្រជុំពង្រឹងការងារតាមមន្ទីរ ក្រោមអធិបតីភាព លោក ឧត្តមសេនីយ៏ត្រី ជូ សារុន មេបញ្ជាការ កងរាជអាវុធហត្ថខេត្ត និងមានការអញ្ជើញចូលរួមពីសណាក់ លោកមេបញ្ជាការរង នាយរងសេនាធិការដ្ឋាន ប្រធានមន្ទីរទាំង៥ និងមេបញ្ជាការកងអនុសេនាធំចល័ត ។

លោកឧត្តមសេនីយ៏ត្រី មេបញ្ជាការ បានលើកឡើងក្នុងកិច្ចប្រជុំដោយសង្កត់ធ្ងន់ថា ប្រធានមន្ទីរ ត្រូវគ្រប់គ្រងតាមការិយាល័យ មន្ត្រីក្រោមឪវាទរបស់មន្ទីរ ឲ្យគោរពពេលវេលា គោរពការងារដែលអង្គភាពប្រគល់ជូន ត្រូវមានមុខ ២៤លើ២៤ម៉ោងនៅក្នុងអង្គភាព ជាពិសេសយើងជាកម្លាំងមិនត្រូវចេញពីអង្គភាពដោយសេរី គ្មានការសុំច្បាប់ពីអង្គភាពឡើយ។