កែប៖ ដោយមានចង្អុរបង្ហាញ ពីលោក ឧត្តមសេនីយ៍មេបញ្ជាការ កងរាជអាវុធហត្ថខេត្ត និងដោយមានការសម្របសម្រួលពីព្រះរាជអាជ្ញាអមសាលាដំបូងខេត្តកែប នៅវេលាម៉ោង ១០ និង ០០ នាទីថ្ងៃទី២៨ ខែតុលា ឆ្នាំ២០២២ កម្លាំងមន្ទីរស្រាវជ្រាវ និង បង្ក្រាបបទល្មើស សហការជាមួយកម្លាំងអន្តរាគមន៍ ដឹកនាំដោយលោក អនុសេនីយ៍ឯក ដួង ប្រុស អនុប្រធាន មន្ទីរស្រាវជ្រាវ និងបង្ក្រាបបទល្មើសបានចុះបង្ក្រាបករណីជួញដូរ និង ប្រើប្រាស់គ្រឿងញៀនដោយខុសច្បាប់នៅចំណុចផ្សារក្តាម ស្ថិតក្នុងភូមិថ្មី សង្កាត់ព្រៃធំ ក្រុងកែប ខេត្តកែប ដោយបានឃាត់ខ្លួនជនសង្ស័យជាបន្តបន្ទាប់ចំនួន ០៣នាក់ និងចាប់យកវត្ថុតាងពាក់ព័ន្ធមួយចំនួន។

បច្ចុប្បន្នមន្ត្រីជំនាញបានកសាងសំណុំរឿងតាមនីតិវិធី។