កោះកុង៖ ព្រឹកថ្ងៃទី១២ ខែវិច្ឆិកា ឆ្នាំ២០២២ កម្លាំងអាវុធហត្ថ សហការជាមួយកម្លាំងសាខាគយ និងរដ្ឋាករខេត្តកោះកុង ស្ទាក់ឃាត់ចាប់រថយន្តបទល្មើសគេចពន្ធគយ០១គ្រឿងម៉ាក LEXUS RX 450h(HIBRID) ពណ៌សចង្កូតឆ្វេងឆ្នាំផលិត២០១០ ពាក់ស្លាកលេខក្លែងក្លាយ ភ្នំពេញ 2BA-5582 ពេលដែលម្ចាស់កំពុងបើកបរតាមដងផ្លូវសេរីកា ត្រង់ចំណុចខាងត្បូងស្ថានីយ៍ប្រេងឥន្ទនៈ ក្នុងភូមិសាស្រ្ត ភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។ បច្ចុប្បន្នរថយន្តត្រូវបានកម្លាំងគយ យកមករក្សាទុកនៅ សាខាគយនិងរដ្ឋាករខេត្តកោះកុងដើម្បីចាត់ការតាមនីតិវិធី៕