ភ្នំពេញៈ ព្រះរាជពិធីបុណ្យអុំទូក បណ្តែតប្រទីត សំពះព្រះខែ អកអំបុក នាឆ្នាំនេះប្រព្រឹត្តទៅរយៈពេល៣ថ្ងៃគឺ ថ្ងៃទី១៣_១៤_១៥ ខែវិច្ឆិកា ឆ្នាំ២០១៦ ដែលមានទូកចូលរួមប្រកួតចំនួន២៦០ទូកក្នុងនោះមាន៖ ទូកអន្តរជាតិ ទូកអុំ និងទូកចែវ។ យោងតាមរបាយការណ៍របស់សមត្ថកិច្ចបានបញ្ជាក់ថា សភាពការណ៍រួមរយៈ២ថ្ងៃនៃព្រះរាជពិធីបុណ្យអុំទូក បណ្តែតប្រទីត សំពះព្រះខែ និងអកអំបុក នាឱកាសនោះ សន្តិសុខ សណ្តាប់ធ្នាប់ មានភាពល្អប្រសើរ ដែលមានប្រជាពលរដ្ឋមកកំសាន្តសប្បាយចន្លោះពី៦០ម៉ឺនទៅ៧០ម៉ឺននាក់ និងនៅថ្ងៃទី២កើនប្រមាណ១លាននាក់។
ចំណែកឯ កិច្ចការអន្តរាគមន៍និងសង្គ្រោះវិញ កម្លាំងមានសមត្ថកិច្ចបានប្រតិតបត្តិការជួយសង្គ្រោះ ពិនិត្យព្យាបាលជំងឺចំនួនប្រមាណ៥៧៣១នាក់ និងបានបញ្ជូនទៅមន្ទីរពេទ្យចំនួន២៣នាក់ ដើម្បីសង្គ្រោះនិងព្យាបាលជំងឺ។
សង្គ្រោះទូចលិចចំនួន៤គ្រឿង និងជួយសង្គ្រោះមនុស្សវង្វេងចំនួន៤៨នាក់។ ជាមួយគ្នានោះដែរ សមត្ថកិច្ចបង្ក្រាបអំពើល្មើសឃាត់ខ្លួនជនសង្ស័យចំនួន១០នាក់ និងបានចាប់យកវត្ថុតាងមួយចំនួន។

(អត្ថបទៈ ឧ. អេង ហ៊ី)