ភ្នំពេញ៖ ដោយទទួលបានការអនុញ្ញាតពី លោក នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ព្រឹកថ្ងៃទី០៩ ខែធ្នូ ឆ្នាំ២០២២ នៅសាលប្រជុំបញ្ជាការដ្ឋាន កងរាជអាវុធហត្ថលើផ្ទៃប្រទេស លោក ឧត្តមសេនីយ៍ទោ នាង សុជីវី ស្នងការ ស្នងការដ្ឋានកសាងកម្លាំង បានអញ្ជើញជាអធិបតីក្នុងពិធីប្រកាសមុខតំណែង-បំពាក់ឋានន្តរសក្តិ និងប្រគល់ប័ណ្ណសសើរ លិខិតសរសើរ ដល់នាយ នាយរងអាវុធហត្ថចំណុះស្នងការដ្ឋាន។ ពិធីនេះមានការចូលរួមពីលោក ឧត្តមសេនីយ៍ ស្នងការរង នាយ-នាយរងការិយាល័យ នាយផ្នែក ព្រមទាំងនាយ នាយរងអាវុធហត្ថដែលមានការពាក់ព័ន្ធ។