កំពង់ឆ្នាំង៖ វេលាម៉ោង ០៨:៣០នាទីព្រឹកថ្ងៃទី០៩ ខែធ្នូ ឆ្នាំ២០២២ កម្លាំងមូលដ្ឋាន កងរាជអាវុធហត្ថស្រុកជលគិរី សហការចុះបង្ក្រាបបទល្មើសនេសាទនៅចំណុចព្រៃធំព្រែកតាសួស ភូមិអន្លង់មេត្រី ឃុំពាមឆ្កោក ស្រុកជលគិរី ខេត្តកំពង់ឆ្នាំង ដោយបានរុះរើរបាំងស្បៃមុងចំនួន ០៤កន្លែង ប្រវែង១,២០០ម៉ែត្រ, លូស្បៃមុងចំនួន ១៤មាត់លូ, បង្គោលសរុប ២៧០ដើម, ចាក់លែងកូនត្រីចូលបឹងធម្មជាតិចំនួន ៧១គីឡូក្រាម ចំណែកសម្ភារៈកម្លាំងបានបំផ្លាញចោលនៅនឹងកន្លែង។