អហ ស្ទឹងត្រែង៖ នៅថ្ងៃទី៧ ខែកញ្ញា ឆ្នាំ២០១៥ ម៉ោង១២និង៣០នាទី កម្លាំងកងរាជអាវុធហត្ថបង្ក្រាបការចែកចាយប្រើប្រាស់គ្រឿងញៀន នៅចំណុចម្ដុំអគ្គីសនីខេត្ត ភូមិត្រពាំងព្រីង សង្កាត់ស្ទឹងត្រែង។ ចាប់យកបានវត្ថុតាងថ្នាំញៀនice 01កញ្ចប់តូច=0,21g ឃាត់ខ្លួនជន សង្ស័យម្នាក់ឈ្មោះ អ៊ុន រិទ្ធី ភេទប្រុស អាយុ៥២ឆ្នាំ ជនជាតិខ្មែរ ផ្ទះនៅភូមិត្រពាំងព្រីង និងទូរស័ព្ទ01។ យោងតាមការស្តាប់ចម្លើយឈ្មោះ អ៊ុន រិទ្ធី និងសុំការអនុញ្ញាតពីលោក ជា ពេជ្រ ព្រះរាជអាជ្ញាអមសាលាដំបូងខេត្ត កម្លាំងជំនាញបន្តឃាត់ខ្លួនជនសង្ស័យ​ដែលពាក់ព័ន្ធ​០៣នាក់ទៀត នៅភូមិរាជានុកូល៖ 1-ឈ្មោះ យីម សុឃឿន ហៅយី ស៊ីណាត ភេទប្រុស អាយុ៥២ឆ្នាំ ជនជាតិខ្មែរ ផ្ទះនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។ 2-ឈ្មោះ ម៉ាត់ វី ភេទប្រុស អាយុ៣៥ឆ្នាំ ជនជាតិចាម ផ្ទះនៅភូមិរាជានុកូល។ 3-ឈ្មោះ តាំ សៀកណេង ភេទប្រុស អាយុ១៧ឆ្នាំ ជនជាតិខ្មែរ ផ្ទះនៅភូមិរាជានុកូល។