បាត់ដំបង៖ អនុវត្តន៍តាមបទបញ្ជាយ៉ាងម៉ឺងម៉ាត់របស់ លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្ដបាត់ដំបង នៅវេលាម៉ោង២១:១៥នាទីថ្ងៃទី១២ ខែមករា ឆ្នាំ២០២៣ កម្លាំងមន្ទីរស្រាវជ្រាវ និងបង្រ្កាបបទល្មើស បានចុះអនុវត្តន៍ដីកាបង្គាប់ឲ្យចាប់ខ្លួន និងបង្រ្កាបបទល្មើសជាក់ស្ដែង នៅក្នុងភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង បានធ្វើការចាប់ខ្លួនជនត្រូវចោទម្នាក់ ឈ្មោះ ទេព សោភ័ណ្ឌ ភេទប្រុស អាយុ៣៨ឆ្នាំ មុខរបរគ្មាន ទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង តាមដីកាបង្គាប់ឲ្យចាប់ខ្លួនលេខ ៤៧៨ ត.ព្រ ចុះថ្ងៃទី១៩ ខែកក្កដា ឆ្នាំ២០២២ របស់លោកស្រី ហុង ទិត្យមល្លិកា ចៅក្រមស៊ើបសួរសាលាដំបូងខេត្ត បាត់ដំបង ពីបទជួញដូរដោយខុសច្បាប់នូវសារធាតុញៀន ខណៈពេលចាប់ខ្លួន កម្លាំងមន្ទីរស្រាវជ្រាវ និងបង្រ្កាបបទល្មើស បានដកហូតវត្ថុតាងគ្រឿងញៀនប្រភេទ មេតំហ្វេតាម៉ីន (ម៉ាទឹកកកICE) ០៣ កញ្ចប់ទម្ងន់ ៤,៩៧ ក្រាម, ទូរស័ព្ទដៃ ០២គ្រឿង និងម៉ូតូ ០១ គ្រឿង ម៉ាកហុងដាឌ្រីមពណ៌ខ្មៅស៊េរីឆ្នាំ ២០១៧។
