កែប៖ ដោយមានការចង្អុលបង្ហាញពី លោក ឧត្តមសេនីយ៍ មេបញ្ជាការកងរាជអាវុធហត្ថខេត្តកែប និងបានការសម្របសម្រួលនីតិវិធីពីព្រះរាជអាជ្ញា អមសាលាដំបូងខេត្ត នៅវេលាម៉ោង ១៩ និង៣០នាទី ថ្ងៃទី១៣ ខែមករា ឆ្នាំ២០២៣ កម្លាំងការិយាល័យប្រឆាំងគ្រឿងញៀន ដឹកនាំដោយលោក វរសេនីយ៍ទោ នាង រ័ត្ន ប្រធានមន្ទីរ បានចុះបង្ក្រាបករណី រក្សាទុកនិងប្រើប្រាស់គ្រឿងញៀន ស្ថិតនៅភូមិ កែវក្រសាំង សង្កាត់កែប ក្រុងកែប បានចាប់ឃាត់ខ្លួនជនសង្ស័យចំនួន១នាក់ ឈ្មោះ សុខ ហ៊ន ភេទប្រុស អាយុ៣០ឆ្នាំ មុខរបរមិនពិតប្រាកដ រស់នៅភូមិកំពង់ត្រឡាច សង្កាត់ព្រៃធំ ក្រុងកែប និងចាប់យកវត្ថុតាងពាក់ព័ន្ធមួយចំនួន បច្ចុប្បន្ន មន្ត្រីជំនាញកំពុងអនុវត្តន៍តាមនីតិវិធី។
