កំពង់ធំ៖ ព្រឹកថ្ងៃអង្គារ ទី១៧ ខែមករា ឆ្នាំ ២០២៣ នៅបញ្ជាការដ្ឋានកងរាជអាវុធហត្ថខេត្តកំពង់ធំ លោក វរសេនីយ៍ឯក គង់ សុភាព មេបញ្ជាការរង តំណាងលោក ឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ បានដឹកនាំកិច្ចប្រជុំ ស្តីពីការបង្កើតក្រុមការងារចាក់វ៉ាក់សាំងបង្ការជំងឺកូវីដ-១៩ ដូសទី៦ ជូនយោធិន និងគ្រួសារយោធិន នៃកងរាជអាវុធហត្ថខេត្ត និងការបង្កើតក្រុមការងាររៀបចំធ្វើតារាងកើនឡើង និងថយចុះ ឆ្នាំ២០២៣ ព្រមទាំងការធ្វើប័ណ្ណកម្មសិទ្ធលើដីរដ្ឋ របស់បញ្ជាការដ្ឋានកងរាជអាវុធហត្ថខេត្តកំពង់ធំ អញ្ជើញ ចូលរួមពីសំណាក់ នាយសេនាធិការ ប្រធានមន្ទីរ នាយការិយាល័យ អង្គភាព និងមេបញ្ជាការមូលដ្ឋានកងរាជអាវុធហត្ថក្រុង-ស្រុក ទាំង៩ នៅសាលប្រជុំ តូចបញ្ជាការដ្ឋានកងរាជអាវុធហត្ថខេត្តកំពង់ធំ ។