ក្រចេះ៖ នៅវេលាម៉ោង១៧:៣០នាទី ថ្ងៃទី៣០ ខែមករា ឆ្នាំ២០២៣ កម្លាំងមូលដ្ឋាន កថរាជអាវុធហត្ថ ស្រុកសំបូរ ខេត្តក្រចេះ ដឹកនាំដោយលោក អនុសេនីយ៍ឯក ង៉ែត ប៉ុណ្ណាកា នាយសេនាធិការស្រុក សហការជាមួយមន្រ្តីជំនាញសង្កាត់រដ្ឋបាលព្រៃឈើវឌ្ឍនៈ បានធ្វើការចុះល្បាតស្រាវជ្រាវ បង្រ្កាបបទល្មើសធនធានធម្មជាតិ(ព្រៃឈើ) ការដឹកជញ្ជូនផល-អនុផលព្រៃគ្មានលិខិតអនុញ្ញាត ស្ថិតនៅក្នុងភូមិយាវ ឃុំកំពង់ចាម ស្រុកសំបូរ ខេត្តក្រចេះ ដោយបានឃាត់បានរថយន្តសាំយ៉ុង ០១គ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2AF 1129  ដឹកឈើអារប្រភេទលេខ១ (សុក្រម) សរុបចំនួន ៣៩ ដុំ ស្មើនឹង ២,០០៧ ម៉ែត្រត្រីគុណ ។

បច្ចុប្បន្នវត្ថុតាងរថយន្ត និងឈើខាងលើត្រូវបានយកមករក្សាទុកនៅសង្កាត់រដ្ឋបាលព្រៃឈើវឌ្ឍនៈចាត់ការបន្ត ។