បាត់ដំបង៖ អនុវត្តន៍បទបញ្ជាយ៉ាងម៉ឺងម៉ាត់លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្ដបាត់ដំបង នៅវេលាម៉ោង ២២:៣០នាទី ថ្ងៃទី០៧ ខែកុម្ភៈ ឆ្នាំ២០២៣ កម្លាំងមូលដ្ឋានកងរាជអាវុធហត្ថ ក្រុងបាត់ដំបង បានចុះបង្ក្រាបករណី ជួញដូរដោយខុសច្បាប់នូវសារធាតុញៀន នៅចំណុចក្រុមទី១០ ភូមិអង់ សង្កាត់អូរចារ ក្រុង/ខេត្តបាត់ដំបង បានធ្វើការឃាត់ខ្លួនជនសង្ស័យម្នាក់ឈ្មោះ ពៅ វាសនា ភេទប្រុស អាយុ៤៤ ឆ្នាំ មុខរបរមិនពិតប្រាកដ មានទីលំនៅភូមិស្លាកែត សង្កាត់ស្លាកែត ក្រុង/ខេត្តបាត់ដំបង ។
វត្ថុតាងដកហូត គ្រឿងញៀនប្រភេទម្សៅក្រាមពណ៌សរឹងថ្លា (ទឹកកក) ចំនួន ០២ កញ្ចប់ ទម្ងន់ ០,៣៥ក្រាម, ទូរស័ព្ទដៃចំនួន០១ គ្រឿង, លោហធាតុពណ៌លឿង (ខ្សែក) បណ្តោងរូបព្រះ ចំនួន ០១ ខ្សែ, លោហធាតុពណ៌លឿង (ចិញ្ចៀន) ចំនួន ០២ វង់, ប្រាក់បាត ១៣០ បាត, ប្រាក់រៀល ៨១,០០០ រៀល, អត្តសញ្ញាណប័ណ្ណសញ្ជាតិខ្មែរ ចំនួន ០១ សន្លឹក, ប័ណ្ណចាក់វ៉ាក់សាំង ចំនួន ០១ សន្លឹក, កាតធនាគារ (អេស៊ីលីដា) ចំនួន ០១សន្លឹក, ការច្រកចេញ-ចូល (ប្រទេសថៃ) ចំនួន ០១ សន្លឹក ។
បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកំពុងនឹងអនុវត្ដនីតិវិធី។
