កោះកុង៖ ដោយមានការចង្អុលបង្ហាញពីលោក ឧត្តមសេនីយ៍ត្រី តាំង ឈុនស្រេង មេបញ្ចាការកងរាជអាវុធហត្ត ខេត្តកោះកុង នៅវេលាម៉ោង ១៤:៤០នាទី ថ្ងៃទី១០ ខែកុម្ភៈ ឆ្នាំ២០២៣ និងមានការសម្របសម្រួលពីព្រះរាជអាជ្ញារងអមសាលាដំបូងខេត្តកោះកុង កម្លាំងកងរាជអាវុធហត្ថខេត្ត និងកម្លាំងមូលដ្ឋានក្រុងខេមរភូមិន្ទ បានចុះបង្ក្រាបបទល្មើស គ្រឿងញៀននៅចំណុចផ្ទះជួលមួយកន្លែងដែលស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ដោយបានឃាត់ខ្លួនជនសង្សយ័ ០១នាក់ ឈ្មោះ ឈន ស្រី ពៅ (ហៅលៀសហាល) ភេទស្រី អាយុ ២៨ឆ្នាំ និងចាប់យកវត្ថុតាងម្សៅក្រាមពណ៌សថ្លាសង្ស័យជាសារធាតុញៀនចំនួន០២កញ្ចប់ទំងន់ ១.០១ក្រាម ទទូរស័ព្ទ០១គ្រឿង និងឧបករណ៍សំរាប់ជក់ថ្នាំមួយចំនួន បច្ចុប្បន្នកម្លាំងជំនាញបានអនុវត្តន៍តាមនីតិវិធី៕