ព្រៃវែង៖ នៅវេលាម៉ោង១៨ និង២០នាទី ថ្ងៃទី១៥ ខែកុម្ភៈ ឆ្នាំ២០២៣ កម្លាំងមន្ទីរស្រាវជ្រាវ និងបង្រ្កាបបទល្មើស កងរាជអាវុធហត្ថខេត្តព្រៃវែង និងកម្លាំងមូលដ្ឋានកងរាជអាវុធហត្ថស្រុកបាភ្នំ ចុះបង្ក្រាបបទល្មើសគ្រឿងញៀន នៅចំណុចភូមិក្រាំង ឃុំស្ពឺ(ក) ស្រុកបាភ្នំ ខេត្តព្រៃវែង ឃាត់ខ្លួនជនសង្ស័យបានចំនួន ២នាក់ឈ្មោះ ឃី យូរ៉ាន់ ភេទ ប្រុស អាយុ ២២ឆ្នាំរស់នៅភូមិ ស្វាយពកឃុំស្ពឺ(ក) ស្រុកបាភ្នំខេត្តព្រៃវែង, និងឈ្មោះ ពៅ វ៉ា ភេទប្រុស អាយុ៣១ ឆ្នាំ រស់នៅភូមិតាឡោន ឃុំស្ពឺ(ក) ស្រុកបាភ្នំ ខេត្តព្រៃវែង។កម្លាំងបានចាប់យកវត្ថុតាងម្សៅក្រាមពណ៌សចំនួន ០១ កញ្ចប់ ទំងន់ ១,០៨ ក្រាម ទាំងសំបកថង់, ម៉ូតូចំនួន០១ គ្រឿង, ទូរស័ព្ទដៃ០១គ្រឿង។
បច្ចុប្បន្នជនសង្ស័យរួមនឹងវត្ថុតាង ត្រូវបានមន្ត្រីជំនាញអនុវត្តន៍តាមនីតិវិធី ។
