រតនគិរីៈ នៅវេលាម៉ោង០២ និង០០នាទីរំលងអធ្រាត ថ្ងៃទី២៥ ខែវិច្ឆិកា ឆ្នាំ២០១៦ កម្លាំងមូលដ្ឋានកងរាជអាវុធហត្ថក្រុងបាលុង សហការជាមួយកម្លាំងចំរុះខេត្ត បានធ្វើការបង្ក្រាបករណីដឹកជញ្ជូនឈើល្មើសច្បាប់ចំនួន០១លើក ស្ថិតនៅចំណុច ភូមិ១( ភូមិ តាស៊ុយ)ឃុំ
កាចាញ ក្រុង បានលុង ខេត្ត រតនគិរី ។

នេះបើយោងទៅតាមប្រភពពត៌មានពី ភ្នាក់ងារ GRK News ប្រចាំខេត្តរតនគិរី បានឱ្យដឹងថា ក្នុងប្រតិបត្តិការបង្ក្រាបបទល្មើសនោះផងដែរ កម្លាំងកងរាជអាវុធហត្ថ ក៏បានធ្វើការឃាត់ខ្លួនបានជនសង្ស័យចំនួន០២នាក់ រួមមានឈ្មោះៈ
០១. សារី ជា ភេទប្រុស អាយុ៤៥ឆ្នាំ ជនជាតិ ខ្មែរ ទីលំនៅភូមិ អូរឬស្សី ឃុំស្រែស្ដៅ ស្រុកចិត្តបូរី ខេត្តក្រចេះ
០២. នុត ឌឿន ភេទប្រុស អាយុ៤២ឆ្នាំ ជនជាតិខ្មែរ ទីលំនៅ ភូមិថាឡា ឃុំថាឡា ស្រុកថាឡាបរិវ៉ាត់ ខេត្តស្ទឹងត្រែង។
ភ្នាក់ងារបានបញ្ជាកា់អោយដឹងទៀតថា ក្នុងនោះកម្លាំងកងរាជអាវុធហត្ថក៏បានចាប់យកវត្ថុតាងមួយចំនួនរួមមាន ៈ
០១. រថយន្តម៉ាក C R V ពណ៌ ខ្មៅ ពាក់ស្លាកលេខភ្នំពេញ ២D ៩៥១៩ ចំនួន០១គ្រឿង
០២. ឈើប្រណិតក្រញ៉ូងចំនួួន ០.៣១១ ម៉ែត្រគូប។

ជនសង្ស័យ និងវត្ថុតាង ត្រូវមន្ត្រីជំនាញកងរាជអាវុធហត្ថខេត្តរតនគិរី កំពុងកសាងសំណុំរឿង ដើម្បីប្រគល់ជូនខណ្ឌរដ្ឋបាលព្រៃឈើ ចាត់ការបន្តតាមនិតិវិធី។