បន្ទាយមានជ័យ៖ នៅព្រឹកថ្ងៃពុធ ទី១៥ ខែមីនា ឆ្នាំ២០២៣ លោក ឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានទទួលអំណោយពីសប្បុរសជន ជាអាជីវករស្រុកមង្គលបូរី តំណាងដោយលោក អ៊ឹង វណ្ណម៉ៅ ដែលអំណោយរួមមាន អង្ករទម្ងន់ ៧,៥តោន, មីចំនួន១០០កេសតូច, ទឹកបរិសុទ្ធចំនួន២០០យួរ និងថវិកាចំនួន១លានរៀល។

ក្នុងឱកាសនោះលោកឧត្តមសេនីយ៍ត្រី មេបញ្ជាការ ក៏បានប្រគល់លិខិតថ្លែងអំណរគុណដល់សប្បុរសជនទាំងអស់ និងជូនពរក្នុងឱកាសចូលឆ្នាំថ្មីនាពេលខាងមុខ សូមទទួលបាននូវសុខភាពល្អបរិបូណ៌ និងរកស៊ីទទួលទានមានបានគ្រប់ក្រុមគ្រួសារផងដែរ។