ក្រចេះ៖ ថ្ងៃទី១៧ ខែមីនា ឆ្នាំ២០២៣ លោក វរសេនីយ៍ត្រី សាន្ត សុវិជ្ជា មេបញ្ជាការ មូលដ្ឋានកងរាជអាវុធហត្ថស្រុកសំបូរ តំណាងលោក ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ បានដឹកនាំក្រុមការងារនាំយកអំណោយដ៏ថ្លៃថ្លារបស់លោក ឧត្តមសេនីយ៍ត្រី មេបញ្ជាការ ជូនដល់ក្រុមគ្រួសារដែលរងគ្រោះដោយជួបឧប្បទ្ទវហេតុអគ្គីភ័យ (ភ្លើងឆេះផ្ទះ) ចំនួន ០២គ្រួសារ ដោយក្នុងមួយគ្រួសារ ទទួលបាន អង្ករចំនួន ១បេ, ទឹកក្រូចចំនួន ១កេស, មីចំនួន ១កេស, ទឹកសុទ្ធចំនួន ១កេស, ត្រីខចំនួន ១យួរ, ទឹកត្រីចំនួន ១យួរ, ទឹកស៊ីអ៊ីវចំនួន ១យួរ និងថវិកាចំនួន ២០០,០០០រៀល។
