អហ ភ្នំពេញ៖ នៅវេលាម៉ោង២០និង៣០នាទី ថ្ងៃទី៩ ខែកញ្ញា ឆ្នាំ២០១៥ ជនរងគ្រោះបានជិះម៉ូតូម៉ាកឌ្រីម ពណ៍ខ្មៅសេរី២០១១ ស្លាកលេខ ភ្នំពេញ 1AU0590 ជាមួយប្ដីធ្វើដំណើរមកពីផ្ទះបងប្អូននៅភូមិព្រែកទាល់ សង្កាត់ស្ទឹងមានជ័យ ក្នុងបំណងត្រឡប់មកផ្ទះវិញ ពេលជិះមកដល់មុខសាលាIIC បណ្តោយផ្លូវជាតិលេខ២ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ស្រាប់តែមានជនមួយក្រុមមានបក្ខពួកចំនួន០៤នាក់ ជិះម៉ូតូ០២គ្រឿង ម៉ាកនិច ពណ័សលាយខ្មៅ គ្មានស្លាកលេខ និងម៉ាកឌ្រីមសេ125 ពណ៍ខ្មៅ គ្មានស្លាកលេខ ហើយអ្នកជិះម៉ូតូម៉ាកនិច​បានធ្វើ​សកម្មភាពឆក់កាបូបពីជនរងគ្រោះ រួចបានជិះម៉ូតូគេចខ្លួនមកពួននៅក្លឹបសប្បាយ ជនរងគ្រោះបានជិះម៉ូតូដេញតាមរហូតដល់ក្លឹបនោះ ហើយបានអង្អុលប្រាប់កម្លាំងអាវុធហត្ថខណ្ឌមានជ័យដែល​កំពុងល្បាត​ក្នុងភូមិសាស្ត្រ អំពីសកម្មភាពជនសង្ស័យចំនួន០៤នាក់។ ជនរងគ្រោះឈ្មោះ វ៉ន ស៊ីវន ភេទស្រី អាយុ២៣ឆ្នាំ មុខរបរបុគ្គលិកសណ្ឋាគារណាកាវើល បច្ចុប្បន្នស្នាក់នៅផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោមជ័យ ខណ្ឌមានជ័យ រាជធានីភ្នំពេញ។ កម្លាំងអាវុធហត្ថបានឃាត់ខ្លួន​ជនសង្ស័យ​ទាំង​៤នាក់។ 1/ឈ្មោះ ថន ផេង ភេទប្រុស អាយុ២០ឆ្នាំ មុខរបរកម្មករកាត់ដេរ ស្នាក់ន ភូមិទួលក្រាំង ឃុំទួលក្រាំង ស្រុកស្អាង ខេត្តកណ្ដាល។ 2/ឈ្មោះ លាង កុសល់ ភេទប្រុស អាយុ១៧ឆ្នាំ មុខរបកម្មកកាត់ដេរ ស្នាក់នៅភូមិព្រែកថី ឃុំរកាខ្ពស់ ស្រុកស្អាង ខេត្តកណ្ដាល។ 3/ឈ្មោះ រ៉ា សារ៉ាត់ ភេទប្រុស អាយុ២៥ឆ្នាំ មុខរបកម្មករកាត់ដេរ ស្នាក់នៅភូមិព្រែសំរោង ឃុំរកាខ្ពស់ ស្រុកស្អាង ខេត្តកណ្ដាល។ 4/ឈ្មោះ ហៀន វ៉ា ភេទប្រុស អាយុ១៧ឆ្នាំ មុខរបកម្មករកាត់ដេរ ស្នាក់នៅភូមិភ្នាត ឃុំក្រាំងយ៉ូវស្រុកស្អាង ខេត្តកណ្ដាល ។ ចាប់យកវត្ថុតាង៖ ម៉ូតូចំនួន០២គ្រឿង, ទូរស័ព្ទដៃ០៤គ្រឿង និងកាបូបដៃចំនួន០២។