ក្រចេះ៖ ដោយមានការយកចិត្តទុកដាក់ខ្ពស់ពីសំណាក់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេញ្ជាការ កងរាជអាវុធហត្ថលើផ្ទៃប្រទេស រសៀលថ្ងៃសុក្រ ទី០៧ ខែមេសា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថខេត្តក្រចេះ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ បានអញ្ជើញសំណេះសំណាលជាមួយយោធិនសោធននិវត្តន៍ ក្នុងឱកាសចូលថ្មីប្រពៃណីជាតិ ឆ្នាំថោះបញ្ចស័ក ពុទ្ធសករាជ ២៥៦៧ ដែលយោធិនសោធននិវត្តន៍មានចំនួន ២០នាក់។

ក្នុងឱកាសនោះលោកឧត្តមសេនីយ៍មេបញ្ជការបានពាំនាំនូវការផ្ដាំផ្ញើសាកសួរសុខទុក្ខពីសំណាក់ ឯកឧត្តម នាយឧត្តមសេនីយ៍ សៅ សុខា ផ្តាំផ្ញើសាកសួរសុខទុក្ខយោធិនដែលចូលនិវត្តន៍ និងបានឧបត្ថម្ភជូនយោធិនចូលនិវត្តន៍ក្នុងម្នាក់ៗទទួលបានថវិកាគ្រឿងឧបភោគបរិភោគមានអង្ករមួយបាវ ២៥គីឡូក្រាម, មីចំនួន ១កេស, ទឹកក្រូច ១ កេស, ទឹកបរិសុទ្ធ ១ កេស និងថវិកាចំនួន ១៥០,០០០រៀល សរុបចំណាយថវិកាចំនួន ៥,៩២០,០០០រៀល ។