ស្ទឹងត្រែង៖ ព្រឹកថ្ងៃទី០៨ ខែមេសា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តស្ទឹងត្រែង លោក ឧត្តមសេនីយ៍ត្រី អៀង វ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង និងកម្លាំងក្រោមឱវាទ បានធ្វើការសំណេះសំណាល និងសួរសុខទុក្ខជាមួយយោធិនសោធននិវត្តន៍ចំនួន ០៦ នាក់ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នាពេលខាងមុខនេះ ក្នុងនោះដែរ លោកមេបញ្ជាការខេត្ត បានឧបត្ថម្ភសម្ភរៈមួយចំនួនជូនដល់យោធិនសោធននិវត្តន៍ម្នាក់ៗ ទទួលបាន អង្ករចំនួន ០១បេតូច ទឹកស៊ីអ៊ីវចំនួន ០១យួរ ទឹកត្រីចំនួន ០១យួរ ត្រីខចំនួន ០១យួរ ទឹកបរិសុទ្ធចំនួន ០១កេស និងថវិកាចំនួន ៥០,០០០រៀល ព្រមទាំងធ្វើពិធីជប់លៀង ហូបបាយសាមគ្គី ដល់នាយទាហាន  នាយទាហានរង និងយោធិនសោធននិវត្តន៍ផងដែរ។