កណ្តាល៖ ល្ងាចថ្ងៃទី០៨ ខែមេសា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តកណ្តាល លោក មេបញ្ជាការ កងរាជអាវុធហត្ថខេត្ត បានដឹកនាំលោក លោកស្រី មេបញ្ជាការរង នាយសេនាធិការ នាយសេនាធិការរង ប្រធាន-អនុប្រធានមន្ទីរ នាយការិយាល័យ មេបញ្ជាការ មូលដ្ឋានកងរាជអាវុធហត្ថក្រុង-ស្រុកទាំងអស់ ព្រមទាំងនាយទាហាន នាយទាហានរង កងរាជអាវុធហត្ថ បាននិមន្តព្រះសង្ឈធ្វើពិធីសូត្រមន្ត លើករាសី អបអរពិធីបុណ្យចូលឆ្នាំថ្មីប្រពៃណីជាតិខ្មែរ និងបួងសួងទេវតាឆ្នាំថ្មីប្រោះព្រំ សិរីសួស្តី ជ័យមង្គល វិបុលសុខបវរមហាប្រសើរ ជូនចំពោះយោធិនកងរាជអាវុធហត្ថខេត្តកណ្តាលទាំងអស់ ឲ្យមានសេចក្តីសុខ សេចក្តីចម្រើន និងឧទ្ទិសកុសលជូនចំពោះដួងវិញ្ញាណក្ខន្ធ នាយទាហាន នាយទាហានរង និងពលទាហាន កងរាជអាវុធហត្ថខេត្តកណ្តាល ដែលបានពលី មរណៈ ក្នុងបុព្វហេតុបម្រើជាតិ មាតុភូមិនាពេលកន្លងមក ព្រមទាំងឧទ្ទិសកុសលជូនដួងវិញ្ញាណក្ខន្ធ បុព្វការីជន មានមាតា បីតា ជីដូនជីតា ញាត្តិការទាំងប្រាំពីរសណ្តាន ដែលបានចែកឋានទៅកាន់លោកខាងមុខ។