កោះកុង៖ រសៀលថ្ងៃព្រហស្បតិ៍ ៨រោច ខែចេត្រ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែមេសា ឆ្នាំ២០២៣ នៅបញ្ជាការរដ្ឋានកងរាជអាវុធហត្ថខេត្តកោះកុង លោក ឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង បានអញ្ជើញនិមន្តព្រះសង្ឃសូត្រមន្ត លើករាសី សុំពរជ័យ សិរីសួស្តីក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំថោះ បញ្ចស័ក ព.ស.២៥៦៧ គ.ស.២០២៣ ព្រមទាំងធ្វើពិធីស្រង់ព្រះ និងមានសម្តែងរបាំត្រុដ និងរបាំព្រះរាជទ្រព្យដោយក្រុមសម្តែងរបស់មន្ទីរវប្បធម៌ និងវិចិត្រសិល្បៈខេត្តផងដែរ៕