ស្វាយរៀង៖ នៅរសៀលថ្ងៃសៅរ៍ ទី២២ ខែមេសា ឆ្នាំ២០២៣ លោកឧត្តមសេនីយ៍ត្រី នុត នន្ទ មេបញ្ជាការរង តំណាងលោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង បានអញ្ជើញដឹកនាំក្រុមការងារ ចូលរួមបុណ្យគម្រប់ ៧ថ្ងៃ សពលោក គង់ សារៀម ដែលត្រូវជាស្វាមីលោកស្រី ជេត សាមិត្ត បម្រើការងារផ្នែកអនាម័យក្នុងអង្គភាពកងរាជអាវុធហត្ថខេត្តស្វាយរៀង ដែលបានទទួលមរណភាពនៅថ្ងៃទី១៧ ខែមេសា ឆ្នាំ២០២៣ ដោយរោគាពាធ ស្ថិតនៅភូមិស្រម៉ជ្រុំ សង្កាត់សង្ឃ័រ ក្រុងស្វាយរៀង ខេត្តស្វាយរៀង។ លោកឧត្តមសេនីយ៍ត្រី មេបញ្ជាការរង បាននាំយកនូវទេយ្យទាន និងបច្ច័យចូលបុណ្យរួមមាន អង្ក ០៤បេ មី ០២កេស ទឹកក្រូច ០១កេសត្រីខ ០១យួរ ទឹកត្រី ០១យួរ ទឹកស៊ីអ៊ី ០១យួរ ប៊ីចេង ០១គីឡូក្រាម ស្ករស ០១គីឡូក្រាម និងបច្ច័យចំនួន ៣,០០០,០០០រៀល។