តាកែវៈ នៅវេលាម៉ោង០៨ និង០០នាទីព្រឹក ថ្ងៃទី០២ ខែធ្នូ ឆ្នាំ២០១៦ នៅបញ្ជាការដ្ឋាន កងរាជអាវុធហត្ថខេត្តតាកែវ បានប្រារព្ធពិធីផ្សព្វផ្សាយការងារ អប់រំចិត្តសាស្ត្រ ឆមាសទី២ ឆ្នាំ២០១៦ ក្រោមអធិបតីភាព លោក វរសេនីយ៍ឯក ឈឹម សវ៉ាត់ឌី មេបញ្ជាការរង និងជានាយសេនាធិការ កងរាជអាវុធហត្ថខេត្តតាកែវ តំណាង ដ៏ខ្ពង់ខ្ពស់ លោក ឧត្តមសេនីយ៍ត្រី ឡា ឡៃ មេបញ្ជាការ កងរាជអាវុធហត្ថខេត្តតាកែវ និងដោយមានការអញ្ជើញចូលរួមពីសំណាក់ មេបញ្ជាការរង
នាយរងសេនាធិការ នាយ នាយរង កងរាជអាវុធហត្ថ ចំណុះបញ្ជាការដ្ឋានខេត្តតាកែវ សរុបចំនួន២៧៥នាក់។

បន្ទាប់ពីលោកនាយសេនាធិការ បានមានមតិសំណេះសំណាលទៅកាន់អង្គពិធី រួចមក ក៏បានប្រគល់តួនាទី ជូនលោកវរសេនីយ៏ត្រី ជំុ សីុប៉ូ ប្រធានមន្ទីររដ្ឋបាលនិងហិរញ្ញវត្ថុ និងជាអ្នក
ឧន្ទេសនាម ផ្សព្វផ្សាយឯកសារការងារអប់រំចិត្តសាស្ត្រ ដោយបានបង្ហាញពីគោលបំណងពង្រឹងគោលជំហរស្មារតី សតិអារម្មណ៏ដល់នាយ នាយរងនឹងពលអាវុធហត្ថគ្រប់រូបអោយមានមនសិការ ស្នេហាជាតិ មានឆន្ទ:មោះមុត ស្មោះត្រង់និងការពារដាច់ខាតចំពោះជាតិ សាសនា ព្រះមហាក្សត្រនិង រាជរដ្ឋាភិបាលកម្ពុជាដែលមានសម្តេចតេជោជាប្រមុខដឹកនាំ។

(អត្ថបទ ជុំ ស៊ីប៉ូ)