ក្រចេះ៖ ព្រឹកថ្ងៃទី០៨ ខែឧសភា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តក្រចេះ លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ និងមន្ត្រីក្រោមឱវាទ បានអញ្ជើញសំណេះសំណាលជាមួយសមាជិកគណៈយុទ្ធមិត្តជំនាន់បម្រើកងទ័ពឆ្នាំ១៩៧៨ ចំនួន ១៦នាក់ ដើម្បីត្រៀមទៅចូលរួមពិធីសំណេះសំណាលរំលឹកខួបលើកទី៤៤ នៃថ្ងៃបង្កើតកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលនឹងធ្វើឡើងនៅក្រុងតាខ្មៅ ខេត្តកណ្តាល។