សៀមរាប៖ ព្រឹកថ្ងៃទី២៤ ខែឧសភា ឆ្នាំ២០២៣ កងរាជអាវុធហត្ថខេត្តសៀមរាប មានការសោកស្តាយ និងទុក្ខយ៉ាងក្រៀមក្រំ ដោយលោក អនុសេនីយ៍ឯក សំ សារ៉ូ មេបញ្ជាការរង មូលដ្ឋានកងរាជអាវុធហត្ថក្រុងសៀមរាប បានទទួលមរណៈភាព នៅវេលាម៉ោង១៩:០៥នាទីយប់ ថ្ងៃអាទិត្យ ទី២១ ខែឧសភា ឆ្នាំ២០២៣ ដោយរោគាពាធ ក្នុងជន្មាយុ ៤៤ឆ្នាំ។ លោកវរសេនីយ៍ឯក ស៊ិន លី មេបញ្ជាការរង តំណាងលោក ឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាប បានដឹកនាំ លោកមេបញ្ជាការរង នាយសេនាធិការ នាយសេនាធិការរង ប្រធានមន្ទីរ មេបញ្ជាការ មូលដ្ឋានកងរាជអាវុធហត្ថក្រុង/ស្រុក ស្នាក់ការសន្តិសុខ នាយទាហាន នាយទាហានរង និងពលទាហាន កងរាជអាវុធហត្ថខេត្តសៀមរាបទាំងអស់ ចូលរួមដង្ហែរសពទៅបូជានៅឈាបនដ្ឋានវត្តប្រាសាទគោកចក សង្កាត់គោកចក ក្រុងសៀមរាប ខេត្តសៀមរាប។