ក្រចេះៈ នៅវេលាម៉ោង១៣ និង៣០នាទីរសៀល ថ្ងៃទី០៥ ខែធ្នូ ឆ្នាំ២០១៦ កម្លាំងមូលដ្ឋានកងរាជអាវុធហត្ថស្រុកចិត្របុរី សហការជាមួយ កម្លាំងចំរុះ បានធ្វើការបង្ក្រាបករណីដឹកជញ្ចូនឈើល្មើសច្បាប់ ចំនួន០១លើក ស្ថិតនៅចំណុច លេីផ្លូវជាតិ ០៧ ភូមិកសាង ឃំុចង្រ្កង់ ស្រុកចិត្របុរី ខេត្តក្រចេះ ដោយឃាត់បានរថយន្តល្មើសច្បាប់ចំនួន០៣គ្រឿង។
នេះបើតាមការអោយដឹងពីមន្ត្រីកងរាជអាវុធហត្ថខេត្តក្រចេះ បានអោយដឹងថា រថយន្ត រួមជាមួយនឹងឈើល្មើសច្បាប់ ដែលកម្លាំងកងរាជអាវុធហត្ថធ្វើការឃាត់បាននោះរួមមានៈ
០១. រថយន្តសាំយុង ពណ៌ស្លែ ពាក់ ស្លាកលេខ ភ្នំពេញ 2AI 5742 ដឹកឈើក្រហមចំនួន០៨ដើម ស្មើ ០.៤៧២ម៉ែត្រគូប
០២. រថយន្តសាំយុង ពណ៌ស្លែស្លាកលេខ ភ្នំពេញ ២AF 2506 ដឹកឈើក្រហមចំនួន០៥ដេីម ស្មើ០.៧៣៥ម៉្រែតគូប
០៣. រថយន្តសាំងយ៉ុង ពណ៌លឿង ស្លាកលេខភ្នំពេញ 2R 4530 ដឹកឈើក្រហមចំនួន០៧ដើម ស្មើ០.៨៤១ម៉្រែតគូប។
វត្ថុតាង ត្រូវបានមន្ត្រីជំនាញកងរាជអាវុធហត្ថខេត្តក្រចេះ កំពុងកសាងសំណុំរឿង ដើម្បីប្រគល់ជូនខណ្ឌរដ្ឋបាលព្រៃឈើ ចាត់ការបន្តតាមនិតិវិធី។ ចំណែកជនសង្ស័យ ត្រូវបានកម្លាំងកងរាជអាវុធហត្ថកំពុងស្វែងរក ដើម្បីយកមកផ្តន្ទាទោសតាមផ្លូវច្បាប់។
(អត្ថបទ ម៉ាន់ ដាវីត)
