ស្វាយរៀង៖ ព្រឹកថ្ងៃព្រហស្បតិ៍ ទី០១ ខែមិថុនា ឆ្នាំ២០២៣ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់តារាងបាល់ទាត់ខ្នាតតូច និងបញ្ចុះបឋមសិលាសាងសង់ទីចាត់ការ អនុវិទ្យាល័យព្រៃបិតមាស ស្ថិតនៅភូមិព្រៃផ្តៀក ឃុំក្រសាំង ស្រុករមាសហែក ខេត្តស្វាយរៀង។ វត្តមានចូលរួមមាន លោក Thanasak Suraprasert អនុប្រធានសមាគមកីឡាបាល់ទាត់ថៃ និងជាសមាជិកក្រុមប្រឹក្សាសហព័ន្ធកីឡាបាល់ទាត់អាស៊ាន (AFF ) ឯកឧត្តម លោកជំទាវ លោក លោកស្រីក្រុមការងាររាជរដ្ឋាភិបាលចុះស្រុក ឃុំ នាយកសាលា លោកគ្រូ អ្នកគ្រូ សិស្សានុសិស្ស យុវជន កងកម្លាំងប្រដាប់អាវុធទាំងបីប្រភេទ ប្រជាការពារ និងប្រជាពលរដ្ឋជាច្រើនរូបផងដែរ។