កំពង់ធំ៖ រសៀលថ្ងៃចន្ទ ទី១០ ខែកក្កដា ឆ្នាំ២០២៣ នៅទីបញ្ជាការកងរាជអាវុធហត្ថកំពង់ធំ លោក ឧត្តមសេនីយ៍ត្រី មាស យ៉ត មេបញ្ជាការ កងរាជអាវុធហត្ថខេត្តកំពង់ធំ បានឧបត្ថម្ភថវិកាចំនួន ៤,០០០,០០០៛ (បួនលានរៀល) និងគ្រឿងឧបភោគ បរិភោគមួយចំនួនដល់លោក វរសេនីយ៍ឯក តុង ហុងលី មេបញ្ជាការរង កងរាជអាវុធហត្ថខេត្តកំពង់ធំ មានធុរៈដោយភរិយារបស់គាត់កំពុងវះកាត់សាច់ដុះក្នុងខួរក្បាលនៅមន្ទីរពេទ្យប្រទេសវៀតណាម។
នាឱកាសនោះដែ លោក ឧត្ដមសេនីយ៍មេបញ្ជាការ បានជូនពរឲ្យដល់លោកស្រីភរិយារបស់ លោក វរសេនីយ៍ឯក ឲ្យឆាប់ជាសះស្បើយមានសុខភាពល្អឡើងវិញ និងឆាប់បានវិលត្រឡប់មកជួបជុំក្រុមគ្រួសារដូចធម្មតាវិញ។
