ស្វាយរៀង៖ រសៀលថ្ងៃសុក្រ ទី២៨ ខែកក្កដា ឆ្នាំ២០២៣ ក្រុមការងារគណៈយុទ្ធមិត្តជំនាន់បម្រើកងទ័ពឆ្នាំ១៩៧៨ បាននាំយកថវិកាចំនួន ២០,០០០,០០០រៀល(ម្ភៃលានរៀល) ចូលបុណ្យសពលោក ចាប ផន ដែលបានទទួលមរណភាពនៅវេលាម៉ោង២៣និង៣០នាទីថ្ងៃទី២៧ ខែកក្កដា ឆ្នាំ២០២៣ដោយជរាពាធក្នុងជន្មាយុ៧៨ឆ្នាំ មានទីលំនៅភូមិខាងកើតវត្ត ឃុំត្នោត ស្រុកកំពង់រោទិ៍ ខេត្តស្វាយរៀង។
ថវិកានេះជាមូលនិធិតេជោ១២៥ ដែលបង្កើតឡើងដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយស”យ.ជ.ប.ទ.” គណៈយុទ្ធមិត្តជំនាន់បម្រើកងទ័ពឆ្នាំ១៩៧៨ ដើម្បីជួយជ្រោមជ្រែងដល់ជីវភាពរស់នៅរបស់យុទ្ធមិត្តពិសេសអ្នកដែលមានជីវភាពទន់ខ្សោយនិងជួបទុក្ខលំបាក ៕
