កំពង់ឆ្នាំង៖ ដោយបានការអនុញ្ញាតពីលោក ឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តកំពង់ឆ្នាំង នៅព្រឹកថ្ងៃទី០៨ ខែសីហា ឆ្នាំ២០២៣ ក្រុមការងារកងរាជអាវុធហត្ថខេត្ត ដឹកនាំដោយលោកវរសេនីយ៍ទោ សូ សែន នាយសេនាធិការរង បានអញ្ជើញសាកសួរសុខទុក្ខលោក យាន រ៉ាម៉ូ អតីតមេបញ្ជាការរង កងរាជអាវុធហត្ថខេត្តកំពង់ឆ្នាំង ដែលបានចូលនិវត្តន៍ និងកំពុងសម្រាកព្យាបាលជំងឺនៅមន្ទីរពេទ្យមិត្តភាពកម្ពុជា-ចិន ព្រះកុសុមៈ (ពេទ្យលោកសង្ឃ) រាជធានីភ្នំពេញ។
ក្នុងឱកាសនៃការសាកសួរសុខទុក្ខក្រុមការងារបាននាំយកនូវថវិកាចំនួន ៤,៣៨០,០០០៛ (បួនលានសាមសិបប្រាំបីម៉ឺនរៀល) ក្នុងនោះថវិកាដែលជាការចូលរួមរបស់នាយទាហាន នាយទាហានរងនៃកងរាជអាវុធហត្ថខេត្តមានចំនួន ២,៣៨០,០០០៛ (ពីរលានសាមសិបប្រាំបីម៉ឺនរៀល) និងថវិកាផ្ទាល់របស់លោកឧត្តមសេនីយ៍ត្រី សាក់ សារ៉ាង មេបញ្ជាការកងរាជអាវុធហត្ថខេត្តមានចំនួន ២,០០០,០០០៛ (ពីរលានរៀល) ទៅឧបត្ថម្ភដល់លោក យាន រ៉ាម៉ូ ផងដែរ។
