កោះកុង៖ ព្រឹកថ្ងៃទី០៨ ខែសីហា ឆ្នាំ២០២៣ លោកឧត្តមសេនីយ៍ត្រី តាំង ឈុនស្រេង មេបញ្ជាការកងរាជអាវុធហត្ថខេត្តកោះកុង និងលោកជំទាវ ព្រមទាំងនាយទាហាន នាយទាហានរង និងពលទាហាននៃកងរាជអាវុធហត្ថខេត្ត បាបនាំយកទេយ្យទាន និងបច្ច័យ ប្រគេនដល់ព្រះសង្ឃដែលគង់ចាំព្រះវស្សាចំនួន២វត្ត (វត្តទេពនិមិត្ត និងវត្តជោត្តវិញ្ញាណ) ដែលក្នុងមួយវត្តៗបាន ទៀន១គូ, អង្ករ១បាវ=៥០គីឡូក្រាម, ភេសជ្ជៈ ៦កេស, មី២កេស, ទឹកត្រី១យួរ, ទឹកស៊ីអ៊ីវ១យួរ, ត្រីខ ១យួរ, ប៊ីចេង១គីឡូក្រាម, ស្ករស ២គីឡូក្រាម និងទឹកបរិសុទ្ធ២យួរ ព្រមទាំងបច្ច័យចំនួន ៦០០,០០០រៀលផងដែរ៕
