បាត់ដំបង៖ នៅបញ្ជាការដ្ឋានកងរាជអាវុធហត្ថខេត្តបាត់ដំបង រសៀលថ្ងៃទី១៧ ខែសីហា ឆ្នាំ២០២៣ លោកវរសេនីយ៍ទោ ជា សុវណ្ណារតន៍ នាយសេនាធិការ តំណាងលោកឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង បានអញ្ជើញផ្សព្វផ្សាយសេចក្ដីសម្រេចបង្កើតក្រុមការងារត្រួតពិនិត្យការងារជំនាញ តាមបណ្ដាមូលដ្ឋានក្រុង-ស្រុក ដោយមានការអញ្ជើញចូលរួមពីលោកនាយសេនាធិការរង នាយរងលេខាធិការដ្ឋាន ប្រធានមន្ទីរទាំង៧ មេបញ្ជាការ មូលដ្ឋានកងរាជអាវុធហត្ថក្រុង/ស្រុក និងសមាជិកចូលរួមជាច្រើនរូបទៀត។
