យោងតាមបទបញ្ជារបស់លោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង នៅវេលាម៉ោង១៥ :៣០នាទី ថ្ងៃទី១៧ ខែសីហា ឆ្នាំ២០២៣ កម្លាំងអាវុធហត្ថខេត្តដឹកនាំដោយលោក វរសេនីយ៍ទោ សូ ឌី ប្រធានមន្ទីរស្រាវជ្រាវ និងបង្រ្កាបបទល្មើសកងរាជអាវុធហត្ថខេត្តបាត់ដំបង បានដឹកនាំកម្លាំងជំនាញចុះបង្រ្កាបករណី ជួញដូរឬប្រើប្រាស់ដោយខុសច្បាប់នូវសារធាតុញៀន នៅភូមិវត្តលៀប សង្កាត់ចំការសំរោង ក្រុងបាត់ដំបង ខេត្តបាត់ដំបង ដោយបានឃាត់ខ្លួនជនសង្ស័យម្នាក់ឈ្មោះ រ៉េត ពិសិដ្ឋ ភេទប្រុស អាយុ ២៥ឆ្នាំ មុខរបរគ្មាន មានទីលំនៅភូមិថ្កូវ សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង។

វត្ថុតាងចាប់យកមានគ្រឿងញៀនម៉ាទឹកកក ចំនួន៥ កញ្ចប់,ជញ្ជីង ០១ គ្រឿង, ទូរស័ព្ទដៃ ០២គ្រឿង, ម៉ូតូ ០១គ្រឿង, ដាវ ០១ដើម និងបញ្ជីកត់ត្រាគ្រឿងញៀន ០២ក្បាល ។

បច្ចុប្បន្នជនសង្ស័យ និងវត្ថុតាងកំពុងចាត់ការតាមនីតិវិធី ។