ពោធិ៍សាត់ៈ នៅវេលាម៉ោង២២ និង៤៥នាទី ថ្ងៃទី១៥ ខែធ្នូ ឆ្នាំ២០១៦ កម្លាំងកងរាជអាវុធហត្ថលើផ្ទៃប្រទេស សហការជាមួយ កម្លាំងមូលដ្ឋានកងរាជអាវុធហត្ថស្រុកក្រគរ បានធ្វើការបង្ក្រាបករណីដឹកជញ្ជូនឈើល្មើសច្បាប់ចំនួន០១លើក ស្ថិតនៅចំណុច ភូមិត្រពាំងរំដេញ ឃុំក្បាលត្រាច ស្រុកក្រគរ ខេត្ត ពោធិ៍សាត់។
។

នេះបើតាមការអោយដឹងពីភ្នាក់ងារ GRK News ប្រចាំខេត្តពោធី៍សាត់ បានអោយដឹងថា ក្នុងប្រតិបត្តិការបង្ក្រាបបទល្មើសនោះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនរួមមានៈ
០១. រថយន្តម៉ាក HYUNDAI(ហ៊ីយិនដាយ) ចំនួន០១គ្រឿង
០២. ឈើប្រណិតប្រភេទឈើរាជកល់ ចំនួន ២៨ ម៉ែត្រគូប។
មន្ត្រីដដែល បានបញ្ជាក់អោយដឹងទៀតថា កម្លាំងកងរាជអាវុធហត្ថក៏បានធ្វើការឃាត់ខ្លួនបានជនសង្ស័យម្នាក់ ដែលជាអ្នកបើកបរ រថយន្តល្មើសច្បាប់នោះ មានឈ្មោះ សេង ឡេង ភេទប្រុស អាយុ២៨ឆ្នាំ រស់នៅភូមិ ផ្តៅជុំ ឃុំ ផ្តៅជុំ ស្រុកជើងព្រៃ ខេត្តកំពង់ចាម។

ជនសង្ស័យ និងវត្ថុតាង ត្រូវមន្ត្រីជំនាញកងរាជអាវុធហត្ថខេត្តពោធិ៍សាត់ កំពុងកសាងសំណុំរឿង ដើម្បី ចាត់ការបន្តតាមនិតិវិធី។

(អត្ថបទ ម៉ាន់ ដាវីត)