ភ្នំពេញ៖ នៅវិទ្យាស្ថានកងរាជអាវុធហត្ថកំបូល ដែលមានរយៈពេល ២ថ្ងៃ ចាប់ពីថ្ងៃទី៤ ដល់ថ្ងៃទី៥ ខែកញ្ញា ឆ្នាំ២០២៣ លោកវរសេនីយ៍ទោ អ៊ុល ចាន់សុភក្តិ នាយការិយាល័យផែនការ ជ្រើសរើស និងបណ្តុះបណ្តាល ស្នងការដ្ឋានកសាងកម្លាំង កងរាជអាវុធហត្ថលើផ្ទៃប្រទេស អញ្ជើញធ្វើបទបង្ហាញស្តីពីជំនាញផែនការ ជ្រើសរើស និងបណ្តុះបណ្តាលដល់កម្មសិក្សាការីខ្សែរយៈបណ្តោយជំនាញ ដោយមានការចូលរួមពីនាយការិយាល័យ នាយផ្នែក មេបញ្ជាការ ប្រធានស្ថាប័នកងឯកភាពអង្គភាព ចំណុះបញ្ជាការដ្ឋានកងរាជអាវុធហត្ថលើផ្ទៃប្រទេស ប្រធាន អនុប្រធានមន្ទីរ នាយការិយាល័យផែនការ ចំណុះមន្ទីកសាងកម្លាំងសាលាទាំងពីរ និងប្រធាន អនុប្រធានមន្ទីរ នាយការិយាល័យផែនការ ចំណុះមន្ទីរកសាងកម្លាំង មកពីបញ្ជាការដ្ឋាន កងរាជអាវុធហត្ថរាជធានី-ខេត្តទាំង២៥។