កណ្តាល៖ ថ្ងៃទី៦ ខែកញ្ញា ឆ្នាំ២០២៣ កម្លាំងកងរាជអាវុធហត្ថខេត្តកណ្តាល បន្ទាប់ពីទទួលបានព័ត៌មានពីប្រជាពលរដ្ឋថាមានករណីជួញដូរដោយខុសច្បាប់នូវសារធាតុញៀន ស្ថិតក្នុងសង្កាត់ព្រែកតាកូវ ក្រុងអរិយក្សត្រ ខេត្តកណ្តាល ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ មេបញ្ជាការខេត្ត និងមានការសម្របសម្រួលនីតិវិធីពីឯកឧត្តមព្រះរាជអាជ្ញាអមសាលាដំបូងខេត្ត កម្លាំងជំនាញកងរាជអាវុត្តហត្តខេត្ត ស្រុកខ្សាច់កណ្តាល និងក្រុងអរិយក្សត្រ បានចុះដល់ទីកន្លែងជាក់ស្តែង ឃាត់ខ្លួនជនសង្ស័យ០២នាក់ ភេទប្រុស វត្ថុតាងចាប់យករួមមានថ្នាំញៀន(ម៉ាទឹកកក)  ចំនួន០៦ កញ្ចប់, ទូរស័ព្ទ ០១គ្រឿង, សម្ភារប្រើប្រាស់ថ្នាំញៀនមួយចំនួន, ដុំឆក់ត្រីចំនួន០៣គ្រឿង, អាគុយចំនួន០២គ្រាប់, ដងឆក់ត្រីចំនួន០៦ដើម។

បច្ចុប្បន្នជនសង្ស័យ និងវត្ថុតាងសមត្ថកិច្ចកងរាជអាវុធហត្ថខេត្តកណ្តាល បានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី។