យោងតាមបទបញ្ជារបស់លោក ឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្តបាត់ដំបង នៅវេលាម៉ោង០១:៣០នាទី ថ្ងៃទី៩ ខែកញ្ញា ឆ្នាំ២០២៣ កម្លាំងអាវុធហត្ថខេត្តដឹកនាំបញ្ជាដោយលោក វរសេនីយ៍ទោ សូ ឌី ប្រធានមន្ទីរស្រាវជ្រាវ និងបង្រ្កាបបទល្មើស បានដឹកនាំកម្លាំងជំនាញ ចុះបង្រ្កាបករណីជួញដូរដោយខុសច្បាប់នូវសារធាតុញៀន នៅភូមិចំការសំរោង១ សង្កាត់ចំការសំរោង ក្រុងបាត់ដំបង ខេត្តបាត់ដំបង ដោយបានឃាត់ខ្លួនជនសង្ស័យម្នាក់ឈ្មោះ រិទ្ឋ ម៉ាទីន ភេទប្រុស អាយុ២៦ ឆ្នាំ មុខរបរគ្មាន ទីលំនៅភូមិផ្កាស្លា សង្កាត់ចំការសំរោង ក្រុងបាត់ដំបង ខេត្តបាត់ដំបង ចាប់យកវត្ថុតាង គ្រឿងញៀនប្រភេទកេតាម៉ីនចំនួន០១ កញ្ចប់ ទម្ងន់ ៩៧,១៨ក្រាម,ទូរស័ព្ទដៃ ០១គ្រឿង,ខ្សែករលោហៈធាតុពណ៌លឿង ០១ខ្សែ។
បច្ចុប្បន្នជនសង្ស័យ និងវត្ថុតាងកំពុងចាត់ការតាមនីតិវិធី ។
