ព្រះសីហនុ៖ អនុវត្តតាមបទបញ្ជាយ៉ាងម៉ឹងម៉ាត់ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្ដព្រះសីហនុ នៅវេលាម៉ោង១៤:០០នាទីរសៀល ថ្ងៃទី២៩ ខែកុម្ភ: ឆ្នាំ២០២៤ កម្លាំងជំនាញ នៃការិយាល័យប្រឆាំងគ្រឿងញៀន មន្ទីរស្រាវជ្រាវនិងបង្រ្កាបបទល្មើស កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យចំនួន០២នាក់ ពាក់ព័ន្ធនឹងករណីជួញដូរ និង ប្រើប្រាស់ដោយខុសច្បាប់នូវសារធាតុញៀន ទៅអយ្យការអមសាលាដំបូងខេត្តព្រះសីហនុ ដែលកម្លាំងបានចុះបង្រ្កាបស្ថិតក្នុងក្រុមទី៤ ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ។

ជនសង្ស័យពាក់ព័ន្ធករណីខាងលើមានឈ្មោះ យន់ យូ ភេទប្រុស អាយុ ២៤ឆ្នាំ មុខរបរ មិនពិតប្រាកដ ស្នាក់នៅក្រុមទី៤ ភូមិ៤ ឃុំអូរត្រេះ ស្រុកស្ទឹងហាវ និង ឈ្មោះ សាន រី ភេទប្រុស អាយុ ៣៥ឆ្នាំ មុខរបរ រត់ម៉ូតូឌុប ស្នាក់នៅក្រុមទី៧ ភូមិ៣ សង្កាត់លេខ៣ ក្រុងព្រះសីហនុ។

ចំណែកវត្ថុតាងចាប់យករួមមានម្សៅសថ្លាចំនួន ០៨កញ្ចប់ (ធំ១កញ្ចប់) ទម្ងន់ ៣,៦១ក្រាម ថ្លឹងទាំងសម្បក, ប្រាក់រៀល ១៨០,០០០រៀល, ទូរស័ព្ទដៃ ០៣គ្រឿង, ដែកកេះ ០១ និងម៉ូតូ ០២គ្រឿង។