កំពត៖ អនុវត្តបទបញ្ជា លោកឧត្តមសេនីយ៍ត្រី ចាប សុទ្ធាវុឌ្ឍន៍ មេបញ្ជាការ កងរាជអាវុធហត្ថខេត្តកំពត និងសម្របសម្រួលនីតិវិធីពីព្រះរាជអាជ្ញាអមសាលាដំបូងខេត្តកំពតនៅវេលាម៉ោង ១៤និង៣៥នាទី ថ្ងៃទី០១ខែ មីនា ឆ្នាំ២០២៤ កម្លាំងជំនាញមន្ទីរស្រាវជ្រាវ និងបង្ក្រាបបទល្មើសកងរាជអាវុធហត្ថខេត្តកំពត និង អង្គភាពនគរបាលយុត្តិធម៌ សហការជាមួយមូលដ្ឋានស្រុកដងទង់ ដឹកនាំដោយលោកវរសេនីយ៍ត្រី ម៉ម ទិត្យ អនុប្រធានមន្ទីរស្រាវជ្រាវនិងបង្រ្កាបបទល្មើស ។ បានចុះបង្ក្រាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិអន្ទងបែក ឃុំអង្គរមាស ស្រុកដងទង់ ខេត្តកំពត ដោយបានឃាត់ខ្លួនជនសង្ស័យបានចំនួន០១នាក់ និងចាប់យកវត្ថុតាងពាក់ព័ន្ធ លុះនៅវេលាម៉ោង ១៥និង៣៥នាទី កម្លាំងបានបន្តធ្វើការឃាត់ខ្លួនជនសង្ស័យបានចំនួន០៣នាក់ទៀតនៅចំណុចភូមិសុភី ឃុំស្រែជាខាងជើង ស្រុកដងទង់ ខេត្តកំពត និងចាប់យកវត្ថុតាងពាក់ព័ន្ធមួយចំនួន។

បច្ចុប្បន្នជនសង្ស័យ និង វត្ថុតាង ត្រូវបានមន្ត្រីជំនាញកសាងសំណុំរឿងតាមនីតិវិធី។