ព្រៃវែង៖ នៅថ្ងៃទី២៨ ខែកុម្ភៈ ឆ្នាំ២០២៤ ម៉ោង២០និង៣០នាទី កម្លាំងជំនាញមន្ទីរស្រាវជ្រាវនិងបង្ក្រាបបទល្មើស និងកម្លាំងមូលដ្ឋានកងរាជអាវុធហត្ថស្រុកកំចាយមារ ដឹកនាំដោយលោកវរសេនីយ៍ទោ ផាត់ សុជោត ប្រធានមន្ទីរស្រាវជ្រាវ និងបង្ក្រាបបទល្មើស បានបង្ក្រាបបទល្មើសគ្រឿងញៀន នៅចំណុចភូមិស្នួល ឃុំក្រញ៉ូងស្រុកកំចាយមារខេត្តព្រៃវែង ដោយបានឃាត់ខ្លួនជនសង្ស័យបានចំនួន០៣ នាក់ និងចាប់យកវត្ថុតាងពាក់ព័ន្ធ។ បន្ទាប់ពីធ្វើការស្តាប់ចម្លើយជនសង្ស័យទាំង០៣ កម្លាងជំនាញបានឃាត់ខ្លួនជនសង្ស័យចំនួន ២នាក់បន្ថែមទៀត និងចាប់យកវត្ថុតាងពាក់ព័ន្ធ។

បច្ចុប្បន្នជនសង្ស័យរួមនឹងវត្ថុតាងឃាត់ខ្លួនត្រូវបានមន្ត្រីជំនាញកសាងសំណុំរឿងតាមនីតិវិធី។