កោះកុង៖ នៅវេលាម៉ោង១៤:១០នាទី ថ្ងៃទី៣១ ខែឧសភា ឆ្នាំ២០២៤ កម្លាំងកងរាជអាវុធហត្ថខេត្តកោះកុង បានសហការជាមួយកម្លាំងសាខាគយ និង រដ្ឋាករខេត្តកោះកុង ឃាត់ចាប់រថយន្តសង្ស័យគ្មានបង្កាន់ដៃពន្ធគយនាំចូល ចំនួន០១គ្រឿង ម៉ាក MAZDA2 ពណ៌ក្រហម ឆ្នាំផលិត២០១៣ ចង្គូតស្ដាំស្លាកលេខថៃ ៥៩៩៦ នៅពេលម្ចាស់បើកបរចូលផ្ទះភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។
បច្ចុប្បន្នរថយន្តសង្ស័យខាងលើត្រូវបានកម្លាំងគយនាំមករក្សាទុកនៅសាខាគយ និងរដ្ឋាករខេត្តដើម្បីបន្តអនុវត្តតាមនីតិវិធី៕
