ក្រចេះៈ ជនសង្ស័យម្នាក់ ត្រូវបានកម្លាំងកងរាជអាវុធហត្ថខេត្តក្រចេះ សហការជាមួយ កម្លាំងមូលដ្ឋានកងរាជអាវុធហត្ថស្រុកស្នួល ធ្វើការឃាត់ខ្លួន នៅវេលាម៉ោង ១១ និង៣០នាទី ថ្ងៃទី២២ ខែធ្នូ ឆ្នាំ២០១៦ ស្ថិតនៅចំណុចគីឡូម៉ែត្រ១៣០ រោងចំការកៅស៊ូ ស្ថិតក្នុងភូមិក្រញូងសែនជ័យ ឃុំ២ធ្នូ ស្រុកស្នួល ខេត្តក្រចេះ សង្ស័យជាប់ពាក់ព័ន្ធជាមួយសារធាតុញៀន។
នេះបើតាមការឱ្យដឹងពីភ្នាក់ងារ GRK News បានឱ្យដឹងថា ជនសង្ស័យដែលត្រូវកម្លាំងកងរាជអាវុធហត្ថ ធ្វើការឃាត់ខ្លួននោះមានឈ្មោះ ហយ ប៉េះ ភេទប្រុស អាយុ២៥ឆ្នាំ រស់នៅភូមិក្រញូងសែនជ័យ ឃុំ២ធ្នូ ស្រុកស្នួល ខេត្តក្រចេះ។
ភ្នាក់ងារដដែល បានបន្តឱ្យដឹងទៀតថា ការឃាត់ខ្លួនជនសង្ស័យខាងលើនេះ គឺធ្វើឡើងក្រោមបញ្ជាផ្ទាល់ពី លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ និងដោយមានការសម្របសម្រួលពី លោក ទី សុវិនថាល ព្រះរាជអាជ្ញាអមសាលាដំបូងខេត្តក្រចេះ ទើបអាចឈានទៅដល់ ការឃាត់ខ្លួនបានជនសង្ស័យនៅចំណុចកើតហេតុខាងលើ។
ភ្នាក់ងារបានបញ្ជាក់អោយដឹងទៀតថា ក្នុងប្រតិបត្តិការបង្ក្រាបនោះផងដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
១-ម៉ូតូចំនួន02គ្រឿង
២-ទូរសព្ទចំនួន03គ្រឿង
៣-ដបទឹកសុទ្ធមានគំរបចោះរន្ធដោត ទុយោជ័រចំនួន០៣ដប
៤-ទុយោជ័រចំនួន១២០
៥-ថង់សំរាប់រំលែកគ្រឿងញៀនមួយចំនួនធំ
៦-ដែកកេះ ចំនួន០៣
៧-កន្រ្តៃ ចំនួន០២
៨-អាគុយ ចំនួន០២
៩-ដាវសាំម៉ូរ៉ៃ ចំនួន០២
១០-កាបូបស្ពាយ ចំនួន០១
១១-ជញ្ជីងថ្លឹងចំនួន០១គ្រឿង
១២-ខ្សែកលោហធាតុពណ៌លឿង០១ខ្សៃ
១៣-ចិញ្ចៀនលោហធាតុពណ៌លឿង០៥វង្ស
១៤-ខ្សែដៃលោហធាតុពណ៌លឿង០២ខ្សែ។
បន្ទាប់ពីធ្វើការឃាត់ខ្លួនជនសង្ស័យរួចមក ជនសង្ស័យត្រូវបានបញ្ជូនទៅបញ្ជាការដ្ឋាន កងរាជអាវុធហត្ថខេត្ត ដើម្បីសាកសួរបន្ថែម។ បន្ទាប់ពីធ្វើការសាកសួររួចមក នៅមុខមន្ត្រីកងរាជអាវុធហត្ថ ជនសង្ស័យបានឆ្លើយសារភាពថា រូបគេមានបក្ខពួកចំនួន០២នាក់ទៀត ដែលពួកគេតែងតែប្រព្រឹត្តបទល្មើសគ្រឿងញៀននេះជាមួយគ្នា ដែលពួកគេមានឈ្មោះៈ
០១. អ៊ុនធីតា ភេទស្រី អាយុ១៧ឆ្នាំ ជនជាតិខ្មែរ រស់នៅភូមិថ្ពងក្នុង ឃុំស្នួល ស្រុកស្នួល
ខេត្តក្រចេះ
០២. យ៉ន រ៉ា ភេទប្រុស អាយុ២១ឆ្នាំ រស់នៅភូមិ ព្រែកក្តីក្រៅ ឃុំស្នួល ស្រុកស្នួល ខេត្តក្រចេះ។
បន្ទាប់ពីទទួលបានចម្លើយសារភាពរួចមក កម្លាំងកងរាជអាវុធហត្ថខេត្តក្រចេះ បានចេញប្រតិបត្តិការស្រាវជ្រាវភ្លាមៗ រហូតអាចឈានទៅដល់ការចាប់ខ្លួនបានជនសង្ស័យទាំង០២នាក់ខាងលើ។
ភ្នាក់ងារបានបញ្ជាក់អោយដឹងទៀតថា ក្នុងនោះដែរ កម្លាំងកងរាជអាវុធហត្ថ ក៏បានចាប់យកវត្ថុតាងមួយចំនួនពីជនសង្ស័យរួមមានៈ
១-ថ្នាំញៀនប្រភេទម៉ាទឹកក ចំនួន០៣កញ្ចប់
២-ទូរស័ព្ទ ចំនួន០២គ្រឿង
៣-ម៉ូតូ ចំនួន០១គ្រឿង
៤-កាបូបលុយ ០១
៥-ប្រាក់រៀល ចំនួន៤៥០០រៀល
៦-ដាវសាំម៉ូរ៉ៃ ចំនួន០២
៧-កាំភើងឈើកែច្នៃ ចំនួន០១ដើម
៨- កន្ត្រៃ ចំនួន០២
៩-ទុយយោជ័រ ចំនួន៤០
១០-ធុងជ័រ នួន០១
១១-ដបទឹកសុទ្ធមានទឹកមានគំរប ចោះរន្ធដោតទុយោជ័រ០២
១២-ដែកកេះ ចំនួន០៣
១៣-ថង់សំរាប់រំលែកគ្រឿងញៀន ចំនួន៨៥ថង់
១៤-ប្រអប់ឈើ ០១
១៥-ថាសឈើ ០១។
បច្ចុប្បន្ន ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ កំពុងកសាងសំណុំរឿង ដើម្បីចាត់ការបន្តតាមនីតិវិធី៕
(អត្ថបទ ម៉ាន់ ដាវីត)
