ស្ទឹងត្រែងៈ នៅថ្ងៃទី២៣ ខែធ្នូ ឆ្នាំ២០១៦ វេលា១៣និង៤៥នាទី កម្លាំងជំនាញ សហការណ៍ជាមួយកម្លាំងក្រុងស្ទឹងត្រែង បង្ក្រាបករណី ជួញដូរគ្រឿងញៀន ត្រង់ចំណុចផ្លូវជាតិលេខ៩ ភូមិកាំងមេម៉ាយ សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។ ឃាត់ខ្លួនជនសង្ស័យចំនួន០៣នាក់៖
១-ឈ្មោះហម អរុណ ភេទប្រុស អាយុ២៣ឆ្នាំ ជាតិខ្មែរ មុខរបរមិនពិតប្រាកដ ផ្ទះនៅគីឡូ២ភូមិរាជានុកូល សង្កាត់ស្ទឹងត្រែង។
២-ឈ្មោះហម វីរ: ភេទប្រុស អាយុ២១ឆ្នាំ ជាតិខ្មែរ មុខរបរមិនពិតប្រាកដ ផ្ទះនៅគីឡូ២ភូមិរាជានុកូល សង្កាត់ស្ទឹងត្រែង។
៣-ឈ្មោះសុឹម ចាវ ហៅស្នា ភេទប្រុស អាយុ២៣ឆ្នាំ ជាតិខ្មែរ មុខរបរមិមពិតប្រាកដ ផ្ទះនៅភូមិជីរោទិ៍១ ឃុំជីរោទិ៍ ស្រុកត្បូងឃ្មុំ ខេត្តត្បូងឃ្មុំ។
ចាប់យកវត្ថុតាងរួមមាន:ថ្នាំញៀនមេតំហ្វេតាមីន ice ចំនួន១០កញ្ចប់ ទម្ងន់សរុប ៦០,២g ម៉ូតូ៣គ្រឿង ទូរស័ព្ទ៥ ប្រាក់ខ្មែរ៥៧៩០០០៛ ប្រាក់ដុល្លា១០២$ និងសម្ភារ:ជក់មួយចំនួន។ កម្លាំងអនុវត្តន៍វិធានបន្ត សម្របសម្រួលដោយលោកស្រីស៊ុន យ៉ឺត ព្រះរាជអាជ្ញារងខេត្តធ្វើការត្រួតពិនិត្យការ៉ុងដែលផ្ញើរតាមរថយន្តក្រុមហ៊ុនថងវ៉ា ពីភ្នំពេញ មកឱ្យឈ្មោះហម វីរ: នៅខេត្តស្ទឹងត្រែង ជំនាញបានរកឃើញនិងចាប់យកបានថ្នាំញៀនមេតំហ្តេមីនice ចំនួន២កញ្ចប់ធំ។ ជនសង្ស័យ៣នាក់ បានឃាត់ខ្លួនបញ្ជូនតាមនីតិវិធី។
